នាព្រឹកថ្ងៃទី១៤ ខែមិថុនា ឆ្នាំ២០២៣ នៅរដ្ឋសភានៃសាធារណរដ្ឋកូរ៉េ ឯកឧត្តម ចាន់ ណារ៉េត អនុប្រធានគណៈកម្មការទី៣ បានអញ្ជើញចូលរួមកិច្ចប្រជុំគណៈកម្មាធិការប្រតិបតិ្តលើកទី១៧នៃសន្និសីទសមាជិក អាស៊ី-ប៉ាស៊ីហ្វិក ស្តីពី បរិស្ថាន និងការអភិវឌ្ឍ (APPCED)។ កិច្ចប្រជុំបានជ្រើសរើសប្រធាន អនុប្រធាន និងអគ្គលេខាធិការ សម្រាប់កិច្ចប្រជុំគណៈកម្មាធិការប្រតិបតិ្តលើកទី១៧ ២) អានកំណត់ហេតុនៃកិច្ចប្រជុំគណៈកម្មាធិការ ប្រតិបតិ្តលើកទី១៧ និង ៣) អនុម័តរបៀបវារៈនៃមហាសន្និបាតនៃសន្និសីទ APPCED លើកទី២០។

គួរបញ្ជាក់ថា សន្និសីទសមាជិក អាស៊ី-ប៉ាស៊ីហ្វិក ស្តីពី បរិស្ថាន និងការអភិវឌ្ឍ (APPCED) លើកទី២០ ត្រូវបានរៀបចំឡើងក្រោមមូលបទ “ការប្រែប្រួលអាកាសធាតុ និងយុទ្ធសាស្រ្តកំណើនបៃតង” ចាប់ពីថ្ងៃទី១៤ ដល់ថ្ងៃទី១៥ ខែមិថុនា ឆ្នាំ២០២៣ នៅទីក្រុងសេអ៊ូល នៃសាធារណរដ្ឋកូរ៉េ ក្នុងគោលបំណងជំរុញ ភាពដឹកនាំ និងការពិភាក្សាលើបញ្ហាបរិស្ថាន និងការអភិឌ្ឍ និងចែករំលែកយុទ្ធសាស្រ្ត គោលនយោបាយ និងដំណោះស្រាយសម្រាប់បញ្ហាប្រឈមពាក់ព័ន្ធនានា។